馮煒光：我唔係同志

【明報專訊】去年退出民主黨嘅南區區議員馮煒光，上周喺報刊撰寫一篇評論，噚日畀親特首梁振英嘅「港人講地」引用轉載。有網民就話馮煒光「出櫃」，馮煒光笑言佢唔係同志，亦唔係歧視同性戀，但就對被指「出櫃」，只能覺得「有趣」囉。


相信網民話馮煒光「出櫃」，其實係話佢政治上撐梁，馮煒光話佢當日寫呢篇文章時預咗有人同意、有人反對，被人鬧亦無所謂。佢話，當日篇文原本主要回應有人登廣告質疑單程證審批問題，佢覺得不應太嚴格分咩叫香港人、咩叫內地人，但編輯同佢傾偈時，對方問佢會唔會回應吓家社會乜都賴CY嘅現象，馮煒光於是再修改吓篇文。


同情G.E.M. 「妖魔化政客無益」

早前歌手G.E.M.（鄧紫棋）支持CY，惹來部分人批評，馮煒光就話，佢好同情G.E.M.，仲話若有啲人唔鍾意某啲政客便將之妖魔化，只會令討論情緒化，無乜益處喎。