新聞類別
財經
詳情#
【明報專訊】噚日小琴在深圳見到比亞迪主席王傳福，大家圍住佢恭維幾句：「王總，比亞迪準備推出架『秦』，100公里加速只需要5.9秒，相當快喎。」王傳福非常自豪咁講，呢個只係序幕，之後會推出一款新車，百公里加速只要3.9秒。
傳百公里加速3.9秒
小琴心諗：3.9秒，法拉利乎？「無錯，我們研發水平已經好好，完全有能力設計出超級電動跑車，仲已經命名為e9。」。唔通比亞迪想直接同Tesla挑戰？王傳福無公開宣戰，只係大耍太極，同大家講電動車技術，從「四輪獨立驅動」，到「綠淨」和「綠混」。平時王傳福來香港開記者會，通常惜字如金，財務數據都唔敢亂講。噚日專門講技術，神采飛揚，完全脫稿，洋洋灑灑講咗個半鐘，最後總結「技術是靈魂，希望媒體都了解這些技術精髓。」
不過小琴環顧四周，多數人貌似對技術名詞都一頭霧水。到了答問環節，即刻有人問「非技術問題」：「請問王總，超級跑車幾時會推出市場啊？」這時大家至發現，原來呢個e9跑車仲未出世，正在研發中，更無法知道幾時推出。
雖然超級跑車仍然玩緊概念，不過比亞迪即將推出的新款電動車在技術上的確有值得期待的地方。今年第四季比亞迪即將推出雙模電動車『秦』，又可以插電，又可以入油。按照理論計算，行100公里的油費和電費加起身，費用仲少過2升油錢，而市面的混合動力車，每100公里大概耗油5.5升。「雙模技術」係比亞迪自主研發，從數據黎睇都好掂，難怪王總咁期待『秦』會為比亞迪銷量帶黎新的春天啦。
email: piano@mingpao.com
傳百公里加速3.9秒
小琴心諗：3.9秒，法拉利乎？「無錯，我們研發水平已經好好，完全有能力設計出超級電動跑車，仲已經命名為e9。」。唔通比亞迪想直接同Tesla挑戰？王傳福無公開宣戰，只係大耍太極，同大家講電動車技術，從「四輪獨立驅動」，到「綠淨」和「綠混」。平時王傳福來香港開記者會，通常惜字如金，財務數據都唔敢亂講。噚日專門講技術，神采飛揚，完全脫稿，洋洋灑灑講咗個半鐘，最後總結「技術是靈魂，希望媒體都了解這些技術精髓。」
不過小琴環顧四周，多數人貌似對技術名詞都一頭霧水。到了答問環節，即刻有人問「非技術問題」：「請問王總，超級跑車幾時會推出市場啊？」這時大家至發現，原來呢個e9跑車仲未出世，正在研發中，更無法知道幾時推出。
雖然超級跑車仍然玩緊概念，不過比亞迪即將推出的新款電動車在技術上的確有值得期待的地方。今年第四季比亞迪即將推出雙模電動車『秦』，又可以插電，又可以入油。按照理論計算，行100公里的油費和電費加起身，費用仲少過2升油錢，而市面的混合動力車，每100公里大概耗油5.5升。「雙模技術」係比亞迪自主研發，從數據黎睇都好掂，難怪王總咁期待『秦』會為比亞迪銷量帶黎新的春天啦。
email: piano@mingpao.com
回應 (0)
