新聞類別
港聞
詳情#
【明報專訊】Emily噚日喺香港工商界同胞慶祝國慶64周年籌備委員會酒會，見到人稱「藍爺」嘅民政事務局前局長藍鴻震，藍爺一聽到Emily問佢點睇特首梁振英（CY）企硬拒為「雙辣招」減辣時，字字鏗鏘咁話自己day 1已覺得「辣招」可一不可再。
不過藍爺又話香港目前環境「好特殊」，做決定亦要顧及政府嘅管治威信，既然政府都講咗會出「辣招」，唔做反而會令人感到政府出爾反爾，所以藍爺建議CY，要喺維持自由經濟同管治威信之間搵出平衡點。至於呢點喺邊？藍爺話呢個要等政府研究喇！果然無官一身輕，藍爺講建議都輕鬆過人嘅。
（蕭輝浩攝）
不過藍爺又話香港目前環境「好特殊」，做決定亦要顧及政府嘅管治威信，既然政府都講咗會出「辣招」，唔做反而會令人感到政府出爾反爾，所以藍爺建議CY，要喺維持自由經濟同管治威信之間搵出平衡點。至於呢點喺邊？藍爺話呢個要等政府研究喇！果然無官一身輕，藍爺講建議都輕鬆過人嘅。
（蕭輝浩攝）
回應 (0)
