支持「馬個九」？

【明報專訊】台灣總統馬英九最近因為立法院長王金平涉嫌司法「關說」，撤銷王金平國民黨黨籍，卻令「小馬哥」民望跌完又跌，台灣電視台最新調查顯示，民眾對佢嘅執政滿意度得9.2%，是歷史谷底。不過，小馬哥喺香港仲有一批支持佢嘅團體，親國民黨嘅「港九工團聯合總會」約10名成員，噚日下晝到金鐘台北經濟文化辦事處遞信，佢哋手持橫額同紙牌，話支持小馬哥依法施政，要求司法機關立即起訴王金平同埋民進黨柯建銘串同非法「關說」。


但Emily發現佢哋似乎砌錯咗小馬哥個名，紙牌上舉起嘅係「馬個九」而唔係「馬英九」，搞到在場有人即刻提醒佢哋。


（劉焌陶攝）