上庭放飯 社運友探保釣號游水

【明報專訊】7個社運人士舊年4月1日參加民陣舉辦嘅遊行，喺中聯辦門外示威，被控非法集結，噚日社民連副主席吳文遠、成員黃浩銘，仲有幾個社運友，一齊到東區裁判法院應審。法庭審訊一般有兩個鐘食晏，黃浩銘同社民連馬雲祺就專登去咗泊喺筲箕灣嘅保釣號，見到啲水好清，仲一時興起跳落海暢泳一番。吳文遠話自己唔熟水性，所以無落水，只係負責影相喎。


吳文遠唔識游 齋影相

除咗曾擔任民間電台主持人嘅音樂人黃俊珏可獲准簽保守之後，另外幾個人就要繼續受審。社運人士楊匡就因為缺席聆訊，要裁判官要求佢中午到庭，否則就警告會發拘捕令。


查實吳文遠為應付官司，近日已經不斷「睇帶溫書」，記番案發當日情况，今次睇船無得鬆一鬆，只好怪自己無學好游水啦。