六嬸捐錢鬆手 聞壟斷即封口

【明報專訊】近排本地電視圈嘅熱門話題，肯定係無綫（電視廣播，0511）被通訊局話壟斷最多人講。好少現身公開場合、人稱「六嬸」的TVB非執董方逸華（圖），噚日以邵氏基金會主席名義，捐兩億銀畀內地16間大學起教學設施，同埋喺浙江大學起邵逸夫醫療和醫學研究中心。


捐兩億畀內地大學

年屆79歲嘅六嬸，昨天所見容光煥發，襯件粉紅外套，睇起上嚟既後生又高貴。佢喺現場仲好精靈咁安排大合照企位添。影完相仲特登留低，同在場記者講每年邵氏基金會都會固定捐兩億元畀內地嘅教育事業，支持學術發展，仲講得好開心添。


做慈善就梗係抵讚啦，但難得見到六嬸，點都要問吓呢排TVB啲風波。點知佢一聽到「免費電視牌」呀、「壟斷」等字眼，即時封嘴兼笑笑口擰轉身走人，佢把金口睇嚟都幾難撬得開。


email: piano@mingpao.com