劉夢熊游水來港40年

【明報專訊】前全國政協委員劉夢熊雖然有官司纏身，不過都無損佢出席國慶酒會嘅興致。噚日Emily喺香港新聞界慶祝國慶酒會見到佢，佢心情唔錯，仲同Emily大談往事。原來今年係劉夢熊游水嚟香港40周年，佢話自己1973年9月游嚟香港，自此已經將生死置諸度外。最近有套電視劇《巨輪》都係講啲人游水來港嘅故事，唔知佢睇咗會唔會有共鳴呢？


姜瑜滿場飛

另方面，外交部駐港特派員公署副特派員姜瑜喺新聞界慶祝國慶酒會做主禮嘉賓，儀式後姜瑜滿場飛，與不同嘉賓交流，「幫港出聲」召集人之一周融都有同佢傾偈，不過周融話內容同佔中無關，只係讚佢好年輕，難怪姜瑜笑得咁開心。