中電新總裁示範「鋸大餅」

【明報專訊】中華電力新任總裁潘偉賢（Paul Sir，左一）係「紅褲子」出身，由見習工程師做起，佢周一首日當CEO，就去視察一個佢好有感情嘅部門，返去中電自設嘅電力工程學院，同一班正接受培訓嘅見習工程師及學徒交流。Paul Sir見到班後生仔喺度「鋸大餅」，即係切割粗過手臂嘅電纜，就忍唔住示範正確姿勢。


Paul Sir喺1974年入職中電時已接受過相關訓練，當時更連續鋸足一星期，所以鋸鋼纜對佢無難度。據知一般有經驗嘅工程人員用大概15分鐘就可鋸斷電纜，因電力安全問題，不可以用電鋸切割，而且切口一定要平，咁先可以同另一邊嘅纜索接駁。Paul Sir話「鋸大餅」仲可以訓練年輕人意志。


（中電提供）