假鳥成功引瀕危鳥

【明報專訊】香港海洋公園保育基金公布中國首個人工招引海鳥繁殖嘅成功案例，喺基金贊助同支持下，香港觀鳥會和國際鳥盟，聯同國內外雀鳥專家，成功招引極度瀕危嘅中華鳳頭燕鷗（又稱黑嘴端鳳頭燕鷗），喺浙江韭山列島國家級自然保護區上繁殖。


今年5月開始，研究人員喺島上設置咗300隻燕鷗假鳥同鳥聲回放設備（圖1，Don Lyons攝），以吸引中華鳳頭燕鷗和大鳳頭燕鷗到島上築巢繁殖。經過多個月努力，大約19隻中華鳳頭燕鷗及2600隻大鳳頭燕鷗被引到島上。至9月底，研究人員一共記錄到最少一隻中華鳳頭燕鷗嘅雛鳥，及600隻大鳳頭燕鷗嘅雛鳥離巢（圖2，Dan Roby攝）。


中華鳳頭燕鷗被國際自然保護聯盟（IUCN）瀕危物種紅色名錄列為「極度瀕危」，現時全球已知數量唔夠30隻，係中國最接近絕種邊緣嘅鳥類之一，比大熊貓更珍稀。