2.38億元成交 118卡白鑽創紀錄

【明報專訊】蘇富比前日舉行「瑰麗珠寶及翡翠首飾2013年秋季拍賣會」，當中最矚目嘅拍賣品係一粒118.28卡嘅橢圓形鑽石，佢唔止係拍賣史上最大嘅鑽石，仲以2億3868萬港元成交，刷新白鑽世界拍賣嘅紀錄。同場仲有拍賣其他珠寶同翡翠首飾，今次拍賣嘅總成交額高達7億4400萬港元，創咗亞洲任何珠寶拍賣嘅最高總成交額。


另外，蘇富比「重要中國瓷器及工藝品2013年秋季拍賣會」係噚日舉行，香港著名古董商翟健民以1億4124萬港元投得一隻「明成化青花纏枝秋葵紋宮盌」瓷碗。