白姐姐「車禍」 阿Paul抱出院

【明報專訊】當年憑電台節目《盡訴心中情》而膾炙人口嘅灣仔區議員白韻琹，噚日下晝攞住大疊文件搭巴士去議員辦事處途中，架車沿軒尼詩道駛至駱克道街市對開埋站停車時劇烈搖晃，白姐姐頓時失衡，跌出座椅外撞傷頸同左膝蓋，手袋內物品成地都係！事後白姐姐由救護車送律敦治醫院檢查（圖1），但因為仲有好多工作要做，堅持唔留醫，由伴侶謝偉俊（阿Paul）辦妥出院手續後，坐住輪椅嘅白姐姐就被推到醫院外（圖2），由阿Paul小心翼翼抱入車廂回家去。


白姐姐同記者話，一向鍾意坐巴士往返區議會同辦事處，方便之餘又可以同街坊接觸聽申訴。Emily喺度祝佢早日康復。