衛奕信文物信託

【明報專訊】專門資助保育香港非物質文化遺產嘅衛奕信勳爵文物信託，噚日公布成立20周年嘅籌款計劃，而喺今年4月起出任受託人委員會主席嘅方文雄，原來5至6歲已經開始集郵，儲埋有20本郵票咁多，佢個人希望能保留香港郵政文化，仲想保存老人家口述歷史，留下上一代港人奮鬥故事。


衛奕信勳爵文物信託係一個資助社會人士搞保育嘅基金，人人都可以申請。舊年係信託成立20年，為咗籌款，佢哋搵咗珠寶品牌Qeelin嘅創作總監陳瑞麟，設計咗限量18隻嘅吊墜連頸鏈「天喜獅」，玫瑰金色及白金色版分別賣62.8萬及60萬一隻，收益扣除成本全數撥捐信託。


陳瑞麟話特別鍾意廟宇設計，對坪洲天后宮上面一隻獨角獅印象最深，覺得佢形象開心，加上獅子有保護嘅含意，好適合信託的形象，所以就參考咗嚟設計出呢條鏈。