監警翟少明年5月任滿

【明報專訊】監警會主席翟紹唐（翟少）噚日自爆自己任期去到明年5月底，由於做夠6年，根據政府六六原則（不得同時出任6個公職，同一公職不得擔任超過6年），下年七一唔會再係主席嘞。咁佢會做乜呢？「正常下年七一嘅時候我就做緊第二啲嘢喇！」Emily就問翟少，唔通佢下年七一會去佔領中環？佢就話繼續做最低工資委員會主席囉。


不過，翟少都無閂咗道門，話如果有人邀請佢繼續做，「我先考慮都未遲啦，家言之過早」，仲開到聲話「家唔係我考唔考慮去食飯，家都無人叫你去食飯」，唔通暗示叫政府快啲搵佢食飯傾續任？

至於有報道話政府搵下任監警會主席有困難，好多人都耍手擰頭，翟少話佢就無收到風，仲叫Emily如果知道邊個繼任，早啲同佢講喎。