舉手截車或得機票

【明報專訊】鍾意去旅行嘅發燒友注意，嚟緊一連4個星期二，若然喺街上見到一架指定van仔，隨時有免費機票！國泰常務總裁及港龍董事朱國樑噚日同Emily講，舊年10月首推「fanfares」限時平價機票優惠，過去一年賣咗14萬張，馬爾代夫、青島、札幌同福岡嘅優惠機票，唔夠一個鐘就賣晒，決定加推優惠。


下周二起嘅連續4個星期二，國泰及港龍會有一架「FanVan」穿梭各區，市民只要擺出「右手筆直舉起、左手擺後、前後腳張開」嘅指定姿勢（圖）截停呢架van仔，即有機會免費得到雙人來回機票。至於FanVan出沒地點，朱國樑賣個關子，話當日會喺有關facebook專頁公布咁話。