浸大爆「河蟹」疑雲

【明報專訊】浸會大學今日舉行資訊日，噚日各學系紛紛擺攤位迎接來客，大學校園嘅民主牆係學生自由發表意見嘅地方，理應作為景點畀市民參觀，有學生發現，近日民主牆貼上「給我一個不能在宿舍做愛的理由」大字報，吸引學生圍觀留言。校方職員噚日喺民主牆前放置展板，遮住有關內容，有學生投訴，校方咁做有「河蟹」之嫌。


民主牆嘅「給我一個不能在宿舍做愛的理由」大字報，係因為早前有女子喺浸大宿舍門外廣場進行行為藝術，探討宿舍內性行為，最後驚動保安報警，引起同學不滿。


大字報遭遮 校方：一場誤會

浸大校方噚日回覆Emily，話所謂遮住民主牆純粹係誤會，展板屬於商學院所有，學院每年資訊日都係擺同一位置，咁啱遮住民主牆；民主牆係學生會管理，校方無意干預。校方已向商學院了解，對方喺噚日傍晚已經移開展板。