維園換新池網頁未更新

【明報專訊】耗資8億元嘅維園新泳池9月中開放，吸引唔少市民，不過有市民同Emily講，話康文署網頁中維園泳池資料未更新，仲貼住舊池相片同資料，話唔知道平日康文署嘅職員做緊乜，連呢啲資訊都無更新。


Emily即刻上網睇吓泳池資料啦，發現網頁真係仲用緊舊泳池嘅資料及相片，寫住「場館於1957年10月啟用」，嚟緊11月起嘅冬季開放時間，仲要只係開朝早第一節，無咗第二、三節嘅開放時間。康文署噚日回覆查詢時，就同Emily及市民講聲唔好意思，話更新咗「泳池主題」內有關維園泳池嘅資料，但就係唔記得咗更新個「維園主網頁」，會盡快安排更新工作㗎喇。