新聞類別
港聞
詳情#
【明報專訊】財政司長曾俊華噚日喺網誌推薦大家睇一本美籍俄裔女作家Ayn Rand於1943年發表嘅作品《源泉》（The Fountainhead），財爺話重看書中情節或者會覺得老套甚至誇張失實，佢雖然不盡同意作者嘅世界觀，但當中一啲價值問題卻係歷久常新。
情節或老套 價值卻常新
財爺有咩啟發呢究竟？Ayn Rand係個人主義、自由主義嘅倡導者，佢話唔係全部認同Ayn Rand嘅世界觀，但當中一啲基本信念，好似理性和客觀嘅重要；人毋須假手於人，應當為自己負責；人毋須為成全他人而犧牲自己，亦不應要求他人為自己犧牲；個人應靠自身努力，實踐個人價值等等，財爺話喺今時今日，仍然有其參考價值。
可看1949年同名黑白片
《源泉》故事內容講述一個建築師因拒因循保守作風、堅持個人風格，而被同業排擠、攻擊。喺麻省理工讀過建築嘅財爺話，呢本書曾經深深影響佢，今年暑假仲趁得閒重讀其中一些章節。如果你嫌睇書太長難消化，財爺建議你睇1949年同名電影，不過佢話呢套黑白片全長近兩個鐘，開首部分頗沉悶，唔緊要，Emily建議大家買杯咖啡一路飲一路睇，咁先夠中產㗎嘛！
情節或老套 價值卻常新
財爺有咩啟發呢究竟？Ayn Rand係個人主義、自由主義嘅倡導者，佢話唔係全部認同Ayn Rand嘅世界觀，但當中一啲基本信念，好似理性和客觀嘅重要；人毋須假手於人，應當為自己負責；人毋須為成全他人而犧牲自己，亦不應要求他人為自己犧牲；個人應靠自身努力，實踐個人價值等等，財爺話喺今時今日，仍然有其參考價值。
可看1949年同名黑白片
《源泉》故事內容講述一個建築師因拒因循保守作風、堅持個人風格，而被同業排擠、攻擊。喺麻省理工讀過建築嘅財爺話，呢本書曾經深深影響佢，今年暑假仲趁得閒重讀其中一些章節。如果你嫌睇書太長難消化，財爺建議你睇1949年同名電影，不過佢話呢套黑白片全長近兩個鐘，開首部分頗沉悶，唔緊要，Emily建議大家買杯咖啡一路飲一路睇，咁先夠中產㗎嘛！
回應 (0)
