立會今昔郵品12．5推出

【明報專訊】立法會有成百幾年歷史，前年由中環舊立法會大樓搬到金鐘添馬。由立法局走到立法會，經歷咁多變遷，立法會早前就向郵票設計諮詢委員會提交建議並獲接納，將會喺12月5日推出一套4張嘅郵票，分別印有立法會綜合大樓、舊大樓、會議廳同立法會主席座椅。立法會亦會喺12月至明年1月底舉辦特別活動，包括展覽、導賞團等，公眾可藉此認識我哋嘅議事堂。


售套摺明信片鎖匙扣

立法會秘書處亦製作特別郵票套摺，除咗4張郵票外，有為立法會設計嘅首日封，立法會紀念品店會喺12月5號起出售，另外亦有明信片、內藏有一張郵票嘅鎖匙扣等。秘書處噚日向立法會發出訂購表，等議員同職員可以優先訂購，鎖匙扣每個15蚊，精選特別郵票連套摺就賣90蚊。