馬逢國唔簽發牌聯署

【明報專訊】27名泛民議員聯同自由黨等一共34名議員日前發出跨黨派聯署電郵，要求政府發3個新免費電視牌照，不過，業界代表體育、演藝、文化及出版界議員馬逢國無簽到聯署。


唔同意指明發牌畀港視

馬逢國噚日解釋，話因為佢助理前日先喺喺email「垃圾郵件」庫入面搵到聯署郵件喎﹗

馬逢國話，發起聯署嘅泛民飯盒會召集人馮檢基一直都無親身搵佢簽聯署，而佢嘅助理都喺前日先喺email「垃圾郵件」入面搵番聯署郵件。馬逢國又話，聯署內容指明要發牌畀香港電視，佢唔同意內容，所以無打算聯署。咁講法，個email無論傳去邊，結果都喺一樣啫﹗