拉隊行工展 譚sir識貨「參」呼吸

【明報專訊】民建聯主席譚耀宗（譚sir）噚日拉埋立法會議員葉國謙、李慧琼同蔣麗芸等去工展會shopping，不過唔知係咪未熱身，行咗成三個字都未買嘢，即使去到非常受公公婆婆歡迎嘅南北行攤位，見到啲五位數字一両嘅人參，仍然無動於中，都係譚sir最醒目，深深吸咗一啖人參嘅真氣先走人。


一人300買戰車

一如所有工展會攻略教路，入得工展會，先要備購物車。一眾議員兩手揈揈入到去，梗係唔夠購物慾啦，好彩佢哋行行下發現一間賣湯包送車仔嘅攤位，於是人人放低300蚊買湯包，拎住架「戰車」贈品即時出手，縱橫工展會約一個鐘，個個買到滿載而歸。聽講蔣麗芸仲買咗幾部製麵機