流傳小學生周記撐發牌 老師表支持

【明報專訊】Emily相信好多小朋友都鍾意睇電視，噚日facebook就流傳一個小學生寫嘅周記，話自己一家人早排第一次去遊行撐增加電視發牌，仲話政府應該公開發牌制度，還市民一個公道。佢仲讚喺政總見到港視員工上台分享感受，場面好感人。呢篇周記，雖然畀老師圈出唔少錯字，但老師仍喺文章右下角，送咗個大印仔畀佢，仲話好支持撐港視發牌而上街的行為。有網友直情叫個小朋友「讀好啲書，將來去選特首，如果到時我仍健在，一定支持你」。