新聞類別
財經
詳情#
【明報專訊】為咗即將舉行嘅三中全會，最近國家領導人頻頻安排考察活動調研經濟，勢估唔到佢地嘅活動成為股民尋寶指標。好似前日國家主席習近平走去長沙了解當地企業，走去參觀專做智能電表嘅威勝集團（3393），噚日經官方報道，帶挈威勝逆市升2%，報5蚊。
習總李總調研 股價齊升逾2%
同樣叨領導人光嘅仲有隻第一拖拉機（0038），事緣噚日國務院總理李克強亦走咗去黑龍江考察農業發展，官方公布其中一張相影住佢爬上架拖拉機同駕駛嘅農民傾偈。其中一張相影到架拖拉機型號正正係一拖出品。加上總理又話要推動農業經濟發展，提到農業現代化同農機補貼，結果一拖唔單止H股升成3%，A股仲升超過一成需要停牌。
李克強盛讚阿里創造光棍節
之前，李克強舉行嘅第三季經濟形勢座談會，請咗批經濟學家同企業家出席，其中兩間獲邀請嘅民企代表就係近期都未決定到邊度上市至好嘅阿里巴巴創辦人馬雲，同埋吉利集團董事長李書福。席間李克強仲大讚阿里巴巴創造大量就業，又創造咗11月11日光棍節呢個新節日帶動消費；對於吉利收購瑞典名車Volvo，總理都話係企業升級轉型嘅代表作。
其實每逢國家重要會議前夕，領導人嘅一舉一動，一言一行，都隨時反映佢地最關心嘅範疇，所以佢地參觀過咩公司，提及過咩行業，響小股民心目中就等於果個產業未來將獲得國家政策扶持，所以當然要趁早入市搏炒。
email: piano@mingpao.com
習總李總調研 股價齊升逾2%
同樣叨領導人光嘅仲有隻第一拖拉機（0038），事緣噚日國務院總理李克強亦走咗去黑龍江考察農業發展，官方公布其中一張相影住佢爬上架拖拉機同駕駛嘅農民傾偈。其中一張相影到架拖拉機型號正正係一拖出品。加上總理又話要推動農業經濟發展，提到農業現代化同農機補貼，結果一拖唔單止H股升成3%，A股仲升超過一成需要停牌。
李克強盛讚阿里創造光棍節
之前，李克強舉行嘅第三季經濟形勢座談會，請咗批經濟學家同企業家出席，其中兩間獲邀請嘅民企代表就係近期都未決定到邊度上市至好嘅阿里巴巴創辦人馬雲，同埋吉利集團董事長李書福。席間李克強仲大讚阿里巴巴創造大量就業，又創造咗11月11日光棍節呢個新節日帶動消費；對於吉利收購瑞典名車Volvo，總理都話係企業升級轉型嘅代表作。
其實每逢國家重要會議前夕，領導人嘅一舉一動，一言一行，都隨時反映佢地最關心嘅範疇，所以佢地參觀過咩公司，提及過咩行業，響小股民心目中就等於果個產業未來將獲得國家政策扶持，所以當然要趁早入市搏炒。
email: piano@mingpao.com
回應 (0)
