百馬蹄鐵「踏建」恐龍

【明報專訊】喺科學館舉行「香港賽馬會呈獻系列——巨龍傳奇」展覽，本周五至明年4月9日舉行。馬會除咗係贊助機構，仲鼓勵更多活動投入恐龍熱潮。馬會原來有一個獸醫部釘甲房一年一度金屬鑄造比賽，今年勝出作品之中，有一件係由成百塊廢棄馬蹄鐵造成嘅鋼鐵恐龍！負責創造嘅釘甲匠麥家偉同Emily講，見到有恐龍展覽，5歲嘅囝囝又係恐龍迷，所以從中搵到靈感。佢嘅作品「分量」十足，要5個成年男人全力至可以抬得起。馬會話，正物色場地，等公眾可以接觸呢批以廢棄馬蹄鐵造出嚟嘅藝術品。