67％青年手機全日on call

【明報專訊】香港地，無論你坐港鐵、搭巴士抑或飲茶，都會見到唔少人手持智能手機，唔係睇片打機，就係同朋友互send短訊或玩fb，青年協會最新調查顯示，500多名10至24歲受訪者中，67.3%嘅人24小時長開智能手機，接近一成人更無法容忍一日唔用智能手機！

日均收發220信息

根據調查，分別有五成及逾四成青少年，喺食飯時間及去廁所時仍然用手機，半數人認為唔帶手機比唔帶錢更缺乏安全感。受訪青少年中，75.8%人最常用嘅功能係即時通訊，其次係社交網絡、遊戲等。佢哋每日平均發出及收到85及136個即時信息（共收發220個信息）。


青協青年研究中心主任陳瑞貞話，青少年應適當分配時間，一方面善用資訊科技發達帶來嘅好處，但都要保持平衡生活，避免過度依賴手機而缺乏同他人直接溝通交流。