推單車導賞團

【明報專訊】旅發局同漁護署合辦嘅「2013香港郊野全接觸」，今個月至出年2月舉行，除咗有專家帶大家行山遠足嘅導賞團，仲首次同本地單車團體合作，新增4個「單車導賞團」，希望吸引南中國、台灣、日本同韓國等地旅客參加，欣賞香港自然美景，費用100元至200元不等。


旅發局話，活動適合12至70歲有行山或踩單車經驗嘅旅客參加，旅客可以喺尖沙嘴天星碼頭嘅旅發局旅客諮詢中心報名，旅發局會安排旅遊巴士或渡輪接載旅客往返尖沙嘴。


「單車導賞團」今個月至明年2月每月舉連一次，由沙田出發去大埔，途經科學園、吐露港單車徑等地，全長16公里，費用100元。另外有10個「遠足導賞團」，行走6個特色路線，包括山頂去薄扶林水塘、元朗南生圍至下白泥、東涌市行去大澳等，相信遊客可大飽眼福。