死刑廢除20年紀錄片今首映

【明報專訊】想免費睇首映，今晚有機會。國際特赦組織（香港）趁今年喺香港廢除死刑20周年，製作咗紀錄片《香港廢死之路》，今晚7點半喺銅鑼灣誠品首映，仲邀請到曾經為死囚上訴嘅辯護律師湯家驊同曾被判為死囚嘅寶叔到場，門票先到先得。


誠品免費公映先到先得

立法局（現立法會）喺1993年以40票贊成、9票反對正式通過廢除死刑，國際特赦組織訪問咗當年修訂動議嘅立法會前議員李柱銘、曾判處罪犯死刑嘅資深法官Eric Barnes、同曾被判為死囚嘅寶叔等，重構呢段歷史。


如果今晚唔得閒去睇首映嘅朋友唔緊要，呢套紀錄片會喺下周六（23號）喺新婦女協進會放映，同樣免費，報名可電郵至hrfilm@amnesty.org.hk留位。