盛智文獻雙唇演鯨鯊

【明報專訊】香港海洋公園保育基金舉辦「為海洋發聲」活動，邀請咗最叻扮鬼扮馬嘅海洋公園主席盛智文，同一班藝人齊齊獻出雙唇，以別開生面嘅「動物唇彩」繪畫藝術，「演出」中華白海豚、八爪魚同雞泡魚，呼籲市民關注海洋保育（另見C3）。如保育基金主席陳晴就演繹海馬，盛智文就扮演鯨鯊（圖），大家話似唔似呢？


保育基金總監蔣素珊話，動物唇彩繪畫藝術（Animal-ipstick）係源自美國大學生Paige Thompson嘅創作意念。由化妝師發揮創意，喺演員嘴唇上繪畫海洋生物，再配合演員嘴唇動作，變成好似真嘅海洋生物向大家發聲。


（受訪者提供）