特首辦叫鄉局勿再寄《鄉情》

【明報專訊】新界鄉議局反對將大浪西灣西灣村納入郊野公園範圍，與一眾環保團體掀起一場保育戰。雖然鄉議局主席劉皇發噚日重申佢哋只係反對政府侵害私人產權，唔係反對郊野公園，但連特首辦都加入戰團叫鄉議局環保啲。


鄉議局噚日開會，其中一項報告事項就係特首辦早前去信鄉議局，話基於環保原則，叫佢哋日後唔好寄鄉議局刊物《鄉情》畀特首梁振英（CY）；不過唔緊要，其實《鄉情》有網上版，加上CY咁重視務農，應該唔會不解「鄉情」嘅。


新淨鄉局大樓 要申75萬維修

Emily噚日去鄉議局新大樓，覺得大樓尚算新淨，但原來呢幢入伙兩年嘅大廈已「開始老化」，委員會一共要向執委會申請75萬維修費。