「叮叮」載人也載詩

【明報專訊】唔少市民同旅客遊港島時都鍾意搭「叮叮」，體驗一下本港歷史悠久嘅電車文化，英國文化協會同香港電車最近作新嘗試，合辦「詩歌電車行」，將詩歌文化同香港電車結合，喺29架新型電車車廂內，印上10首嚟自香港同國際著名詩人作品，等大家喺鬧市中都可欣賞詩歌意境。


10詩歌 也斯《城市風景》有份

10首詩歌來自英國、法國、西班牙、中國大陸、日本等地，展示喺電車車廂頂兩側位置，其中一篇《城市風景》，係今年初患癌去世嘅香港著名作家梁秉鈞（也斯）作品，相信較為港人熟悉。


今次活動由周三舉行至下年1月30日，主辦單位話，倫敦、紐約同三藩市等大都會，都試過將詩歌同公共交通工具結合，藉公共空間展示詩歌畀公眾欣賞，希望今次活動可參考各地成功經驗。