新聞類別
港聞
詳情#
【明報專訊】如果要全港公投一個最難取消嘅服務合約,有線電視一定榜上有名,連已故功夫片大導演劉家良嘅律師太太翁靜晶,搞咗兩個月仍然取消唔到有線電視,忍唔住喺facebook講明唔會再自動轉帳畀錢,仲出律師信,話「大不了就法庭見」。
指奇妙電視獲牌 「莫名其妙」
由藝人轉型為事務律師嘅翁靜晶喺facebook話,家中有線電視嘅唯一觀眾係劉家良,劉師傅離世後,就再冇存在價值。佢話,點知寄出停止服務申請表,有線話冇收到,於是叫司機拎埋中止服務信件,親自將機盒遙控送回有線,簽收做妥,一日之後收到有線職員留言,話冇收到翁靜晶嘅資料要終止服務。翁靜晶將呢個留言錄音放上facebook畀人評理,話有線死纏爛打博收多啲錢咁講。
翁靜晶仲將呢件事連埋政府發牌講,話「有線電視咬着客戶不放,死不肯取消服務的伎倆,早已天怒人怨,為什麼發牌者袖手旁觀?政府居然還是發牌給有線旗下的『奇妙電視』,真是莫名其妙也!」
有線:要最少30日書面通知
有線發言人同Emily講,已收到翁靜晶嘅律師信,有線會交畀律師處理。如果客戶想終止服務,要用指定表格,畀有線唔少過30日書面通知,可以透過郵遞、傳真、電郵或親自交到專門店,有線會立即處理。有線中人又話,每人終止服務所需嘅時間不同,通常係要一個月,但都要睇客戶嘅有線合約生效日期係幾時,唔係話一定30日就搞掂。
指奇妙電視獲牌 「莫名其妙」
由藝人轉型為事務律師嘅翁靜晶喺facebook話,家中有線電視嘅唯一觀眾係劉家良,劉師傅離世後,就再冇存在價值。佢話,點知寄出停止服務申請表,有線話冇收到,於是叫司機拎埋中止服務信件,親自將機盒遙控送回有線,簽收做妥,一日之後收到有線職員留言,話冇收到翁靜晶嘅資料要終止服務。翁靜晶將呢個留言錄音放上facebook畀人評理,話有線死纏爛打博收多啲錢咁講。
翁靜晶仲將呢件事連埋政府發牌講,話「有線電視咬着客戶不放,死不肯取消服務的伎倆,早已天怒人怨,為什麼發牌者袖手旁觀?政府居然還是發牌給有線旗下的『奇妙電視』,真是莫名其妙也!」
有線:要最少30日書面通知
有線發言人同Emily講,已收到翁靜晶嘅律師信,有線會交畀律師處理。如果客戶想終止服務,要用指定表格,畀有線唔少過30日書面通知,可以透過郵遞、傳真、電郵或親自交到專門店,有線會立即處理。有線中人又話,每人終止服務所需嘅時間不同,通常係要一個月,但都要睇客戶嘅有線合約生效日期係幾時,唔係話一定30日就搞掂。
回應 (0)