IT巨頭齊睇火箭升空

【明報專訊】內地互聯網行業競爭激烈，各互聯網大佬之間自然是敵我交鋒不斷。不過，點勢不兩立都好，總要畀啲面阿爺，小琴聽聞，國務院新聞辦公室（簡稱國新辦）早兩日邀請各大互聯網巨頭，參觀西昌測發大廳和嫦娥三號發射全過程，各位大佬鮮有齊聚一地，更留下罕見合照。呢張攝於火箭發射塔前嘅照片，從左到右分別係奇虎360周鴻禕、搜狐張朝陽、優酷古永鏘、騰訊馬化騰同埋小米雷軍，照片已成為昨天內地網友嘅八卦焦點，網友們依稀記得3年前，騰訊QQ同奇虎360互斥對方不正當競爭後引發大戰，都以為馬、周二人定當老死不相往來，然而在火箭塔前，有現場人士見到二人握手，於是即刻偷影上傳網絡，激動咁話「真的，馬化騰和周鴻禕握手了！」


[小琴密語]