擲唔中CY 「路姆西」爆紅

【明報專訊】社民連成員喺上周六特首梁振英北角落區時，向佢投擲一隻IKEA宜家家居出售嘅狼公仔「路姆西」Lufsig（圖），雖然擲唔中，但就令「路姆西」爆紅，有網民好快以呢個名開咗個facebook page，至噚晚已有超過3300個like。網民仲發現宜家個網有個功能，就係可以check住各分店啲產品仲有幾多件。Emily噚晚上個網睇，見到沙田分店得番40隻，但有網民落去買，售貨員話已經賣晒。


呢個專頁仲教大家聖誕買路姆西注意事項，話路姆西抱住一個婆婆，叫網民唔好買漏。呢隻公仔香港賣$99.9，內地只係59蚊人民幣，有網民話，香港已經回歸祖國，建議應該統一賣$68.9！