林煥光教環保：每周一燭光晚餐

【明報專訊】噚日係世界綠色組織成立1周年典禮，邀請咗不同政見嘅人出席，令到佔中發起人之一戴耀廷（左）同立法會主席曾鈺成（右）有機會碰頭飲番杯，兩人言談甚歡，唔知佢哋傾緊政改定係環保事呢？

不過，同場嘅行政會議召集人林煥光就對正主題，大談「環保三招」，叫大家可以每星期食一次燭光晚餐，不但可慳電，仲有多啲機會製造BB！第二招就係每星期揸少一日車；最後一招，就叫大家喺一年內搵一個月唔shopping。唔知各位女士忍唔忍到手呢？


（李澤彤攝）