新聞類別
港聞
詳情#
【明報專訊】韓流粉絲有好消息，香港同韓國噚日正式開始互通自助出入境檢查服務，合資格嘅特區護照持有人，只要到韓國政府網站申請，約兩個禮拜後就可以親自到韓國指定地點辦理登記手續，以後去韓國睇演唱會或者傾生意，就可以行特快通道，16秒極速過關。
網上申請韓國指定地點辦手續
只要年滿17歲，持有至少6個月有效嘅特區護照、喺韓國無不良紀錄同埋合資格使用香港e-道服務嘅朋友，只要到韓國SES服務網站註冊帳戶，之後再去包括仁川同濟州等多個國際機場，同埋首爾鐵路站等韓國境內10個指定地點辦理採集指紋、拍照等手續，下次去韓國就可以行韓版e-道啦！
準備申請嘅朋友去韓國辦手續前，記得帶埋通知書同簽咗表格，仲要留意各辦事處嘅開放時間，因為大部分夜晚6點就收工。詳情可以參閱政府一站通網頁。
登記網站：www.ses.go.kr/ses/LoginM_en.ses
回應 (0)
