騰訊7.8億注資「call的」App

【明報專訊】騰訊（0700）同阿里在多個領域激戰，兩家都絞盡腦汁諗計吸客。阿里自「雙十一」喺天貓大搞光棍節促銷賺到盤滿缽滿之後，又再將「雙十二」打造成第二個「人造狂歡節」，噚日喺淘寶免費派彩票等方式吸引消費者，賺足眼球。


激戰最近仲延伸到「Call的」領域。近日騰訊向內地Call的士App「嘀嘀打車」注資1億美元，繼4月以來向呢個App進行第二輪巨額投資。騰訊呢次斥巨資係有原因嘅。上個月內地另外兩個Call的App「快的打車」同上海「大黃蜂」合併，合併後市場份額升到45.7%。而「快的打車」 嘅投資人，正是騰訊嘅死對頭——阿里巴巴。呢次追加投資，應該就係為咗拉近同阿里旗下Call的App嘅距離。


再與死對頭阿里對撼

兩大科網巨頭睇中Call的App，呢個市場就已經悄然進入雙寡頭時代，目前騰訊阿里旗下Call的App市場份額已經高達85%。


諗諗吓，科網巨頭嘅影響，已經遍佈社交、購物、出行同金融，唔知下一步又會帶嚟點樣嘅改變呢？

[小琴密語]