新聞類別
港聞
詳情#
【明報專訊】失聰人士用手語溝通大家都知，原來佢哋對新事物或社會上經常提到嘅人物，就會創出特定嘅手語，例如特首梁振英（CY）肯定係港人成日講嘅人物，失聰人士為佢創造一個獨特手勢，最後約定俗成用「狼」型手勢代表CY。由於好似有啲貶意，所以又創造以食指勾勾鼻頭嘅手勢，代表「英」或「鷹」，喺公眾場合用。
組織：「狼」形象深入民心
失聰人士組織「龍耳」創辦人邵日贊同Emily話，手語無統一標準，好多係約定俗成，聾人會按對方嘅特徵設計相應手語，例如用煲呔代表前特首曾蔭權，陸軍裝髮型代表前特首董建華，「狼」就代表梁振英。至於點解梁振英係「狼」，邵日贊話，應該係因為CY「狼」嘅形象太深入民心啩。佢仲話，梁振英無替佢自己改番個手語名，失聰人士唯有用自己嘅方法幫佢改名。
前兩任得一個手語名
Emily發現，原來前兩任特首都只得一個代名手語，但梁振英就有兩個。邵日贊解釋，因為叫梁振英做「狼」，好似有啲詆譭，所以只會私下用；喺正式場合如新聞報道時，就會用食指勾勾鼻頭，代表「英」或「鷹」。
不過，中大語言學及現代語言系手語及聾人研究中心主任鄧慧蘭噚日喺商台《在晴朗的一天出發》話，有次喺立法會手語推廣小組，問聾人應該點表達「梁振英」，好多人自動做出「狼」手勢，笑到佢不得了咁話。睇嚟以「狼」代梁振英嘅手勢，喺失聰人士當中都算普遍，仲有「官方化」趨勢
組織：「狼」形象深入民心
失聰人士組織「龍耳」創辦人邵日贊同Emily話，手語無統一標準，好多係約定俗成，聾人會按對方嘅特徵設計相應手語，例如用煲呔代表前特首曾蔭權，陸軍裝髮型代表前特首董建華，「狼」就代表梁振英。至於點解梁振英係「狼」，邵日贊話，應該係因為CY「狼」嘅形象太深入民心啩。佢仲話，梁振英無替佢自己改番個手語名，失聰人士唯有用自己嘅方法幫佢改名。
前兩任得一個手語名
Emily發現，原來前兩任特首都只得一個代名手語，但梁振英就有兩個。邵日贊解釋，因為叫梁振英做「狼」，好似有啲詆譭，所以只會私下用；喺正式場合如新聞報道時，就會用食指勾勾鼻頭，代表「英」或「鷹」。
不過，中大語言學及現代語言系手語及聾人研究中心主任鄧慧蘭噚日喺商台《在晴朗的一天出發》話，有次喺立法會手語推廣小組，問聾人應該點表達「梁振英」，好多人自動做出「狼」手勢，笑到佢不得了咁話。睇嚟以「狼」代梁振英嘅手勢，喺失聰人士當中都算普遍，仲有「官方化」趨勢
回應 (0)
