九倉成都新場 13噸熊貓「撐牆」

【明報專訊】九倉（0004）旗下嘅海港城之前曾搵來大黃鴨，吸引千萬港人前往朝拜。下個月14號，九倉喺內地四川省會成都嘅新場開幕，叫做成都國際金融中心，今次佢哋搵咗專搞室外立體裝置嘅藝術家Lawrence Argent，設計咗一隻15米高、13噸重嘅巨型熊貓雕塑，放喺成都個新場嘅外牆（圖），嚟吸引人流。隻熊貓嘅頭，仲會凸出喺商場7樓平台嘅雕塑花園，好似爬上牆「裝」個花園咁。


一手一腳籌備成都國際金融中心嘅九倉執董李玉芳話，巨型熊貓會放喺嗰度幾個月。喺開幕當天，仲會請來張曼玉、周迅、郭富城、黃曉明、鄭潔等明星，拍賣由佢地親手製作嘅40厘米高手繪熊貓擺設，每隻底價5000美元，賣得嘅收益全部捐畀專門照顧殘障熊貓嘅都江堰保護大熊貓研究中心。四川係熊貓嘅集中地，九倉今次喺成都玩盡熊貓綽頭，睇下對佢哋個新場有幾大幫助。


email: piano@mingpao.com

[小琴密語]