徐立之戴住口罩談禽流

【明報專訊】最近H7N9禽流感肆虐華南，搞到人心惶惶，香港大學李嘉誠醫學院噚日同長期合作研究禽流感病毒等傳染病嘅法國巴斯德研究中心，舉行簽署儀式，確認1999年成立嘅獨立機構「港大巴斯德研究中心」正式進駐醫學院，成為本港流感研究中心嘅重要實驗室，為港法科學家提供更多研究交流機會。


噚日出席嘅港大校長徐立之原來嚴重感冒，簽署前仲戴咗口罩，Emily想問佢簽署細節以及H7N9點防控時，佢就話把聲不在狀態而唔多講。