明年六四前 六四館開幕

【明報專訊】支聯會過去兩年先後喺深水埗同城市大學設立臨時六四紀念館舉行展覽，分別有約1.8萬同逾2.3萬人次參觀，佢哋斥資976萬元買嘅永久館址，噚日正式交吉。


尖沙嘴永久館址昨交吉

館址喺尖沙嘴柯士甸路3號富好中心5樓全層，面積1300多平方呎（實用面積約800呎），雖然家仲係「吉舖」，但已進入設計展館階段，期望明年4月中開幕，換言之，趕得切下年六四25周年前開幕。


支聯會話，已經有「足夠歷史材料」放喺紀念館，設計上務求令參觀者既有理性上反思、又有感性上衝擊。支聯會預算，日後營運開支每年80萬元，除咗需要市民捐款，仲要有大量義工協助展館工作，歡迎市民參與。