公民教育年曆明派發

【明報專訊】公民教育委員會每年都會向公眾派發座枱年曆，今次佢哋請來本地創作品牌「Chocolate Rain」嘅創辦人麥雅端（Prudence）設計，年曆每月都有唔同主題同生活點子，圍繞鼓勵市民多關心家人同社會等價值觀。大家聽日起可到各區民政事務處諮詢服務中心、公共圖書館等地點免費索取，聽講總共準備咗13萬份，派完即止。


13萬份各區民政處索取

2012年十大傑青Prudence話，年曆選用佢創作嘅「百家村」故事為題材，透過賣紙皮婆婆和修理舊物嘅伯伯等人物，表達堅毅關愛等信息。佢透露細個時住喺木屋區，街坊鄰里守望相助精神對佢影響好深，希望藉今次創作，將舊日社會人情味同價值觀傳承落去。年曆有網上版，聽日起可到公民教育委員會網頁下載。