蔡耀昌：社協工作 唔關黨事

【明報專訊】終審法院裁定來港7年先可以申領綜援做法違憲，惹起輿論大爆炸，幫手搞呢單案件嘅係社區組織協會，而協會幹事、民主黨副主席蔡耀昌有份負責個案。裁決一出，民主黨都可能嗅到味道，擔心被人以為係民主黨幫助新移民打官司，所以噚晚民主黨請嚟一班地區幹事搞咗場研討會，傾吓點拆招。


民主黨開會諗計拆招

蔡耀昌噚日同Emily講，民主黨喺地區的確聽到唔少聲音，表達對今次裁決嘅不滿。之不過，佢喺社協嘅工作，同民主黨無關，而今次法庭亦只係按法律原則作出判決。蔡耀昌又話，如果硬要將兩件事加埋係毫無道理，但都希望可以同地區幹事傾，等佢哋第時都可以喺社區同市民解釋清楚。


民主黨嘅憂慮不無道理，因為之前嘅港珠澳大橋環評官司，以至外傭爭居港權案，都有人借題發揮，喺選舉中批評公民黨。