佔中派氣球迎聖誕

【明報專訊】民主黨和平佔中工作組噚日聯同「佔中三子」之一嘅朱耀明牧師，喺銅鑼灣鬧市發起「佔中氫氣球聖誕大合照」活動，向市民派發印上「真係有普選 咪唔駛佔中囉！」氫氣球。朱耀明、單仲偕同胡志偉分別呼籲市民喺政改諮詢期間踴躍發表意見，向政府要求落實2017年沒有篩選嘅真普選特首選舉。800個氣球15分鐘內派晒。民主黨副主席羅健熙話，民主黨會繼續透過唔同形式，將「讓愛與和平佔領中環」運動遍地開花至香港社會不同群體。