港鐵「熊」色專車陪過年

【明報專訊】今晚平安夜，除咗聖誕老人，仲有柏靈頓寶寶熊（Paddington bear）陪你過聖誕！港鐵東涌線其中一架列車已經「裝身」為「柏靈頓寶寶熊專車」（圖），8卡車廂裏裏外外都會「佈滿」穿上聖誕裝嘅寶寶熊，男女老友、一家大細可以趁機影番啲靚相。專車車身嘅牆紙係寶寶熊穿住紅藍大褸、拎住行李，部分會化身聖誕老人，或者拎住聖誕襪同禮物，總之無論你坐低定企起身，都會見到佢哋。


專車行駛到元旦

同寶寶熊坐完一程港鐵唔夠喉？咁就要記住喺青衣站落車，因為青衣城已化身為倫敦嘅「柏靈頓車站」（Paddington Station），嗰度亦可以見到多隻柏靈頓寶寶熊。專車會行駛到出年1月1日，陪埋大家迎接2014年！


（港鐵提供）