中美日元首 京港見報最多

【明報專訊】2013年啱啱過去，邊個係風頭人物呢？城市大學分析香港、北京同其他華人地區嘅傳媒報道，發現見報率最高嘅人，係中國國家主席習近平、美國總統奧巴馬，同日本首相安倍晉三；由美國老遠嚟到香港指控美國中情局侵犯私隱嘅「金手指」斯諾登呢，就登上第四位。


中共重慶前市委書記薄熙來，就因為佢涉嫌受賄同濫用職權案，同埋佢老婆谷開來、兒子薄瓜瓜、部下王立軍呢啲同案件有關連嘅人，都躋身2013年名人榜頭25位。


只計香港 CY「跑贏」習近平

如果單單睇香港傳媒，咁特首梁振英就「跑贏」習近平，排第一位；負面新聞唔少嘅發展局長陳茂波都排第13位。


唔講你唔知，仲有好多藝人上榜㗎，包括郭富城、已故嘅張國榮、陳奕迅、張智霖、劉德華等，唔怪得有啲市民成日話要選華仔做特首咯。