港台麥麗貞報警

【明報專訊】剛啱喺舊年卸任港台節目製作人員工會主席嘅麥麗貞，因為年屆60歲之齡，近日已開始着手處理退休事宜，噚日朝早佢準備交還早前喺圖書館借嘅一批影片菲林時，發現唔見咗36卷錄影帶。雖然錄影帶只值約8000元，但影帶嘅片段同內容可能係無價，貞姐搵極唔見，唯有報警。


因為可能連幾時同點樣唔見都唔清楚，警察只得列為「遺失或失竊」案處理，好彩事件對港台嘅製作唔會有影響。噚日記者打畀貞姐慰問同了解，佢好客氣咁話﹕「因為報咗警，唔方便講啦。」