新聞類別
財經
詳情#
【明報專訊】100萬澳元到底有幾多？其實都係一個金幣咁大把。呢個金幣梗係唔嘢小啦，雖然佢係法定貨幣，面額只得100萬澳元，但係佢用99.99%嘅純金鑄出嚟，足足有1噸重，單計黃金嘅價值起碼有3億港元。金幣兩面分別有紅袋鼠（圖），同英女皇伊利沙伯二世個樣（圖），闊近80厘米，有成12厘米咁厚，要兩三個人手拉手先圍到佢，係全球到家為止，最大、最重同入埋健力士世界紀錄嘅金幣，由澳洲珀斯鑄幣局整出嚟，係澳洲嘅法定貨幣，但斷估唔會有人拎出去當錢畀啩。
唔係人人有得睇
金幣嚟緊會去德國柏林展出，但首次出國就喺香港停一停站，畀大家睇吓先。幫鑄幣局銷售金幣多年嘅恒生銀行（0011） ，就負責今次展覽，由噚日開始一連3日，喺中環恒生總行嘅博愛堂展出。可惜唔係人人有得睇，得部分獲邀嘅恒生客戶，先可以睇全相。
恒生執行董事馮孝忠話，唔擺喺大堂任睇，一嚟要顧及保安問題，二嚟怕多人得滯，影響咗櫃台服務。澳洲會派兩個大大隻嘅保安，再加埋恒生自己嘅保安，到實一實，冇有怕。不過，馮孝忠笑笑口講，「個幣成噸重，都唔係咁易搬得走。」佢又話用4條9純金去整，本身啲金軟身啲，所以要好高鑄幣技術先得。
金價回落咗到1200蚊美元一盎司左右，馮孝忠相信可以畀投資者買金幣嚟分散風險，但美國減買債令債息升，可能會影響黃金呢類冇息嘅投資。咁買比特幣係咪好啲，馮氏就話「呢層就好難講喇」。
[小琴密語]
唔係人人有得睇
金幣嚟緊會去德國柏林展出，但首次出國就喺香港停一停站，畀大家睇吓先。幫鑄幣局銷售金幣多年嘅恒生銀行（0011） ，就負責今次展覽，由噚日開始一連3日，喺中環恒生總行嘅博愛堂展出。可惜唔係人人有得睇，得部分獲邀嘅恒生客戶，先可以睇全相。
恒生執行董事馮孝忠話，唔擺喺大堂任睇，一嚟要顧及保安問題，二嚟怕多人得滯，影響咗櫃台服務。澳洲會派兩個大大隻嘅保安，再加埋恒生自己嘅保安，到實一實，冇有怕。不過，馮孝忠笑笑口講，「個幣成噸重，都唔係咁易搬得走。」佢又話用4條9純金去整，本身啲金軟身啲，所以要好高鑄幣技術先得。
金價回落咗到1200蚊美元一盎司左右，馮孝忠相信可以畀投資者買金幣嚟分散風險，但美國減買債令債息升，可能會影響黃金呢類冇息嘅投資。咁買比特幣係咪好啲，馮氏就話「呢層就好難講喇」。
[小琴密語]
回應 (0)
