成階下囚梁淑貞被搣柴

【明報專訊】特區政府噚日刊憲，將已成「階下囚」嘅基督教臻美黃乾亨小學暨初中學校前校監梁淑貞，剔出特區授勳同嘉獎名單，即日生效。


欺詐罪成 剔出授勳名單

2007年，梁淑貞呃一名學生家長借20萬畀佢，講大話係用嚟贖回合併新校嘅債券。2008年，政府頒榮譽勳章畀佢。到後來佢被揭發惡行，法院2012年裁定佢欺詐罪成，判監15個月，其後獲准保釋等候上訴，去年3月上訴被駁回，維持原判，要即時坐監。