員工來往唔夠數 新年無利市

【明報專訊】新年又至，又到大家開開心心等老細派利市嘅大日子啦！舊年為大家提供咗眾多話題嘅阿里，又會派咩驚喜呢？馬雲噚日發郵件畀員工，話將發13個月糧同埋發「特別紅包」，不過對比上年，馬雲今年對員工的要求好似tough咗唔少。阿里發言人昨日回覆小琴話，網上流傳呢封信確有其事。


馬雲話，今年嘅年中禮包，除咗例行嘅年終雙糧、期權獎勵，仲好似舊年咁喺4月初新財年開始時派發「特別紅包」。但與舊年唔同，馬雲強調紅包唔係人人有份。舊年年底阿里全員出動推廣集團新嘅社交軟件「來往」，馬雲話喺11月底前未add夠100個集團外好友嘅同事，就唔會收到紅包。郵件措辭頗嚴厲，話「（達不到新好友數的要求）任何人都有一堆理由，但規定就是規定」。


阿里績佳 馬雲：沒讓我興奮

舊年阿里業績大增，但馬雲話「沒有讓我興奮」，強調客戶和市場一直變化，新技術不斷推出，大家要居安思危。


[小琴密語]