民主黨年宵賣CY廁紙

【明報專訊】一年一度嘅年宵即將開幕，各大政黨又嚟分一杯羹，為咗可以將政治「帶入屋」，大家推出實用又好玩嘅產品。民主黨整咗印有特首梁振英（CY）嘜頭嘅「廁紙一狼」衛生紙，大家可以用嚟抹嘴；公民黨就有「公民袋」；工黨就有歌手黃耀明親筆簽名嘅彩虹旗文件夾。全部都係手快有手慢無。


民主黨嘅「廁紙一狼」，係一套4卷分別印上CY同「路福西」頭像嘅廁紙。民主黨話政治要入屋，所以設計家庭用品，佢哋話廁紙品質好，好似CY面皮咁厚，仲話可以拎卷去畀關心公廁廁紙夠唔夠白嘅工聯會王國興，睇吓合唔合格。點賣呀？$68.9四卷，唔好話貴呀，佢哋話得1000套，反應好仲可能會加價