十大消費新聞多大品牌事故

【明報專訊】消委會噚日公布2013年度十大消費新聞選舉結果，由3602個市民投票選出最有影響力嘅消費新聞，結果第一名由令父母心驚嘅「奶粉荒」新聞奪得，當然實至名歸，但係Emily發現其餘9單新聞涉及唔少大品牌，例如第三名係八達通扣錯錢、第七位係海天堂龜苓膏品質風波，仲有第十名係通訊局重罰無綫壟斷藝人，3單新聞嘅消息都唔多正面。消委會總幹事黃鳳嫺（Gilly）話，香港人不嬲對大牌子、老字號有信心，但今年唔少大品牌「出事」，更加證明商譽需要好長時間建立，不過一旦做錯就好容易被破壞，希望警惕企業畀多啲心機做好啲。另外，新修訂《商品說明條例》同一手樓銷售新例生效，分別獲得消費新聞第四、五名，Gilly都覺得好安慰，希望未來為消費者爭取更多法律保障啦。